 منذ /09-05-2010, 04:30 AM
|
#7 |
عضو 
| رقم العضوية » 1045 | | تاريخ التسجيل » Sep 2010 | | المكان » jeddah | | عدد المشاركات » 9 | | عدد النقاط » 10 | 
ومرت الاياااام .
.. وفي يوم الاثنين السااااعه 4 في الليل <<== يوم ماينسااه دحمي من باله ابد  يوووووم الي غير حياااته ..
يرن جواله :: يطالع جواله رقم غريب .. يقول في نفسه مين متصل .. ورد
الوووو مييين وشخص سااااكت .. وهو يقوول مييين اللوووووو ميين . ؟ ماااافي امل احد يرد
قفل الخط وناااام ولا كأنه صاار شئ
وفي الصباح وهو في الدوووااام يرن جواله .. نفس الرقم الي دق عليه امس .. دحمي عصب .. اول مارد ميين وجلس يصااارخ وفجاءه يسمع صوت الووو ذاك الصوت الناعم الي
في نبره حزززن والم
دحمي انصدم ماعمره كلم بنت ..اول مرره يسمع صووت حلو مثل ذا .. هديت اعصااابه وقال ايه منو يااختي وش تبي ؟؟ البنت تضحك ههه وش فيك غلطااااااااااااانه انا
دحمي قال لا موب مشكله
قالت : الا في مشكله ..
دحمي . وش هي المشكله ؟
تقول :: انا عمررررري ماشفت ولد زيك .. انت فعلا فعلا غيررر .. ترد وماتعطي وجه مو زي الاولاد الثانين
دحمي :: ايه اووكي شكرا وقفل السمااعه ..
وجلس يفكر يالله ذي مو من الرياض اللهجه حضريه .. ايه شكلها من اهل جده ... وجلس فكر بنت صايعه شكلها تدق على ارقام الشباب وتزعجهم وطارت افكاره بعد دقيقه
ورجع للشغل وعادي كمل ...!!
وهي كل يوم تتصل وهو مايعطها وجه ويقفل
وبعد مرور يومين تقريبااا
رجع رن جواله مره تانيه نفس البنت وحن ذي المره ورد عليها
رد دحمي وجلس يتكلم
تقول البنت :: اسمعني يالاخوو انت انا تراني بنت من عيله كبيره وبنت حلوه وكل شئ فيني كااامل وماني بناقصه شئ ابدأ .. وانت ولد باين عليك طيب وكل حاجه مافي ولد زيك ابد
وش رايك في الحب
دحمي : وش فيك انتي .؟ شكلك صغيره وماتعرفين العالم زين .. وانا ولد قبايل .. وماعندي ذي السواليف .. اقول بسس قفلي وروحي لاهلك ترا هالعالم كله ذيااايب
وانا طلعت كويس لا تسوين ذي الحركات لاحد ثاني ابد
ردت وهي حزينه ايش دراك اني صغيره ها
دحمي : لو انك كبيره كان ماقلتي ذا الكلام .. والحين ابي اقفل وراي دوام بكره .. باي
وقفل السماعه .. وجلس يفكر وماناام الليل كله .. وش فيها ذي البنت .. مستغرب منها مرره . يالله وجلس يفكر شكلها صغيره وتبي مثل صحباتها حب وكلام فاضي
انا وش دخلني لو دقت ماني راد ابد ..
ويوم الاربعااء .. جالس لحاله في البيت لانه مريض ماراح الدووام
جلس يفكر وش فيها البنت ماااتصلت .. اممم وحشتني لا لا ماوحشتني بس يعني انا اقول وش فيهااا ..خلني اتصل
وجلس يطالع في الساعه 2
اتصل .. ولا يمكن مع اهلها ولا ابوها يرد يسوي مشاكل .. يقول في نفسه وحشتني لالا وش فيني انا
شال جواله واتصل
ما رن رنه الا وردت
الو
: ايييه مين .؟
انا
: قالت هلا ؟ ترد وتسكت
دحمي:وش فيك احسك حزينه صار فيكي شئ؟
قالت لا <<= ترد ومالها نفس تتكلم
دحمي: طيب انا مزعجك في اتصالي ذا
: لا
دحمي : منتي بنت اول الي تتصلين وتسوالفين
فجاءه يسمع صووت بكاااااااااااااااااء .. وذاك الصوت الاليم وتبكي البنت
دحمي : وش فيكي يالللله << اول مره يهتم لبنت ونفس الوقت مصدوم وش فيها ذي البنت تبكي وتصااارخ ..مصدوووم فعلا
ردت تقول وش فيه هالعالم كذا قاااسي ..
دحمي : ممكن تقوليلي وش فيكي .. ابي اعرف الحين
قالت ::امي توفت قبل اسبوع وانا يالاخ حزيييييييييييييييييييييييييينه <<= ماكانو يعرفون اسماء بعض للحين
دحمي : ياقلبي عليك لا تخافي دا قضاء الله وقدره.. وجلس ربع ساعه يصبرها ويعلمها للدنيا ويفهمها الموت ومن ذا الكلام وهي كانت تسمعله
ودحمي يحس نفسه يعلمها وهو مبسوووط وحزين في نفس الوقت .. كان مبسووط لانه يكلمها لاول مره بجديه وحزين لحالتها ...
وهي جلست تقوله مين راح يكون معايا من غير ماما ... مين يسمعلي ويكوون معايا انا وحيييييييييييييييده من جد
دحمي :: العالم كله معاك << من جد هو العالم
: ايه احس اني صرت كويسه اكثر من اوول شكرا ياا......
دحمي :: ايه اسمي عبدالرحمن وانتي؟
: انا اسمي حنين
دحمي :اسمك حلو تصدقين ..
حنين .. شكرا من ذووقك
دحمي : من وين انتي؟
حنين : من جده وانت ؟
دحمي : من الرياض حاليا
دحمي : عندي سؤال خاطري اسأله من اول ؟
حنين : اتفضل ؟
دحمي : كم عمرك ؟
حنين : اممممممممممممممم عمري 16 وانت ؟
دحمي : يالله مرره صغيره . انا 23 تدري اني اكبر منك وايد ..
حنين : ايوا عادي
حنين : انا مبسووطه تدري احس احد معايا
دحمي .. هههه انا بعد
وبعد سواليف من ذي لمده ساعه كااامله قفلو .. الاثنين فرحاانين .. ومبسووطين يمكن عشان فهمو بعض ويمكن عشااان ارتاحووو
وفجاءه ودحمي غارق في التفكير
ياسر يدخل على دحمي الغرفه .. ياخي خلاص هروج مع ذي نبي نتغدا عشان كل واحد يحرك لاهله << اليوم ربوع
دحمي ايه طيب الحين نتغدا
<< واتغدووو وبدأ كل واحد يجهز اغراضه .. وهو يجهز اغراض كان تفكيره كله في حنين .. يفكر وش فيه يمكن ربه ابتلاه .. ويقول في نفسه لا
ان بعض الظن اثم .. يمكن تكون هي السعاده في حياتي .. وبعدين البنت صغيره . وش فيني ياربي . يمكن الشيطان يوزني اسوي شئ في البنت .. رجع قال
لا انا واثق من نفسي .. ضميري صاحي ماني من ذولي الشباب ... وقطع حبل افكاره رنة الجوال
فز من حلمه وقام يركض للجوال وشاف امه,,, هديت نفسه كان يحسب حنين الي دقت
ورد على جواله ....!
الو هلا امي
امه : حبيبي متى بتجي ؟ تنتظرك على العشااااء انا واخوانك ...
دحمي : امي ياحياتي والله الحين شويتين كدا راح اركب السياره ... ادعيلي ياامي
امه : حاضر حبيبي نحنا ننتظر
| |
|
|  |
هذه انتي ياحنين ..~| 
المواضيع المتشابهه 
العرض العادي
